Wróćotwar wětřikowych energijowych připrawow rjaduje so hižo we wjaceschodźenkojtym přizwolenskim postupowanju, kotrež wobsahuje wotpowědnje twarskemu zakonikej tež zawjazk, stejnišćo zaso do prěnjotneho stawa přesadźić. Tak dyrbja wobsedźerjo wětrnikow na přikład hižo wot 2004 bankowe rukowanje zapołožić – na tute wašnje so zawěsći, zo su pjenjezy za wróćotwar na kóždy pad k dispoziciji.

Za stare připrawy maja samo derje fungowace wiki. Druhe wužiwanje namakaja tute husto na stejnišćach w druhich krajach. Wobhospodar realizuje přez to swój dobytk a njenosy hižo žanu zamołwitosć za pozdźiši wróćotwar. Stare připrawy wostanu w zmysle globalneho škita klimy zachowane.