Moderne wětřikowe energije na kraju amortizuja so energetisce hižo po třoch do dwanaće měsacach. Wětrnik produkuje za čas swojeje 20-lětneje dźěłoweje doby 40- do 70- króć telko energije, kaž je za jeho zhotowjenje, wužiwanje a wotstronjenje cyłkownje trěbne. Z tym skići so za cyły čas fungowanja jara pozitiwna ekobilanca.

Wětrniki na kraju a na morju su so w poslednich lětach wjetše a z tym tež jasnje wukonowe zesylnili. Energijowe wudawki za zhotowjenje pak njeje w samsnym wobjimje stupało, dokelž rotorowe łopjena přeco filigranerniše bywaja. Na produkowanu kilowattowu hodźinu miliny so potajkim mjenje energije přetrjeba.

K tomu přińdźe, zo hodźa so moderne wětrniki miliny mjeztym nimale dospołnje recyclować. Něhdźe 80 do 90 procentow cyłeje připrawy mjeztym zaso wužiwaja a namakaja na přikład w dróhotwarje jako podtwarski material nowe wužiwanje.